Bu gün Topaz Premyer Liqada mövsümə yekun vurulacaq. Mövsümün sonuncu - 28-ci turunun bütün oyunları eyni gündə keçiriləcək. Bu tur Avropa Liqasına vəsiqə verən 4-cü yerin sahibi bəlli olacaq.
“Qarabağ” “Qəbələ” və “İnter”dən sonra “Zirə” də avrokuboklara vəsiqə qazana bilər. Bunun üçün Ayxan Abbasovun komandası səfərdə autsayder AZAL-a uduzmamalıdır.
“Kəpəz”in də Avroliqaya vəsiqə qazanmaq şansı qalır. Ancaq Şahin Diniyevin komandası bu vəsiqəni qazanmaq üçün “Zirə”nin məğlubiyyətinə ümid etməklə yanaşı, həm də Gəncədə qəbul edəcəyi “İnter”ə böyük hesabla qalib gəlməlidir.
Digər görüşdə isə “Qəbələ” “Sumqayıt”ın qonağı olacaq. Bu qarşılaşma hər iki komanda üçün formal xarakter daşıyır.
Günün və mövsümün son oyununda isə “Qarabağ” “Neftçi”nin qonağı olacaq. Bu qarşılaşma da nə çempion “Qarabağ”, nə də 7-ci pillədə qərarlaşan “Neftçi” üçün böyük əhəmiyyət kəsb edir.qol.az
29 aprel (şənbə)
Azərbaycan Premyer Liqası
XXVIII tur
16:00. "Kəpəz” – "İnter”
Hakimlər: Rəhim Həsənov, Vüqar Bayramov, Azər Əsgərov, Ramil Əhmədov
Gəncə şəhər stadionu
16:00. "Sumqayıt” – "Qəbələ”
Hakimlər: İnqilab Məmmədov, İsgəndər Əliyev, Elşad Abdullayev, Rauf Cabbarov
Sumqayıt. Şəhər stadionu
16:00. AZAL – "Zirə”
Hakimlər: Əliyar Ağayev, Zeynal Zeynalov, Rza Məmmədov, Ramil Diniyev
"AZAL Arena”
17:00. "Neftçi” – "Qarabağ”
Hakimlər: Ömər Paşayev, Akif Əmirəli, Elman Musayev, Orxan Məmmədov
"Bakcell Arena