Beyninə qan sızdığı üçün Mərkəzi Kliniki Xəstəxanaya yerləşdirilən meyxanaçı Kərimin vəziyyəti hələ də ağır olaraq qalır. Metbuat.az xəbər verir ki, biraz əvvəl sosial şəbəkələrdə meyxanaçının vəfat etdiyi barədə xəbər yayılıb. Məsələ ilə bağlı onun bacısı oğlu açıqlama verib: "Onu istəməyənlər ölsün. Belə xəbərləri yayanlar onun düşmənləridir. Kərimin vəziyyəti yaxşıdır. Maşallah xırda-xırda daha da yaxşılaşır. Hətta sabah palataya köçürəcəyik".