Son sutka ərzində ukraynalı müdafiəçilər daha 810 rus işğalçısını öldürüb və yaralayıblar.
Ucnoqta.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb. Ümumilikdə, genişmiqyaslı müharibə başlayandan indiyədək düşmənin ümumi itkiləri artıq 1 milyon 82 min 140 nəfər təşkil edib.
Son sutka ərzində 2 tank, 2 zirehli döyüş maşını və 27 artilleriya sistemi məhv edilib. Düşmənin ümumi itkiləri 11151 tank, 23212 BBM və 32199 artilleriya sistemi təşkiledib..
Həmçinin, müharibə başlayandan bəri Rusiya Ordusu 1476 ədəd reaktiv yaylım atəşi sistemi və 1213 zenit müdafiə sistemi itirib.
Rusların ümumi itkiləri 422 təyyarə, 340 helikopter və 55 062 PUA-a çatıb. Müharibə başlayandan bəri Hava Hücumundan Müdafiə Qoşunları Rusiyanın 3664 qanadlı raketini məhv edib.
Bundan əlavə, Silahlı Qüvvələr müharibə zamanı Rusiyanın 28 gəmisini batırıb, 60 305 ədəd avtomobil texnikası və tankerləri, həmçinin 3 952 xüsusi texnikanı məhv edib.