Kolumbiya hökuməti İsveçin hərbi-sənaye konserni Saab tərəfindən istehsal olunan 16-24 ədəd JAS 39 Gripen döyüş təyyarəsi almağı planlaşdırır.
Ucnoqta.az xəbər verir ki, bu barədə Cənubi Amerika ölkəsinin hərbi rəhbərliyinə istinadən W Radio radiostansiyası məlumat yayıb.
"Bunun nə qədər başa gələcəyini və ödənişin necə aparılacağını söyləmək hələ tezdir. Gripen təyyarələri bizim Kolumbiya Hərbi Hava Qüvvələrimizin ehtiyaclarına ən yaxşı uyğun gəlir və ən azı 30 il xidmət edir", - KİV Hərbi Hava Qüvvələrinin ikinci komandiri, general Karlos Fernando Silvanın sözlərini sitat gətirir.
Kolumbiya 35 ildən çox əvvəl aldığı İsrail Kfir qırıcılarını əvəz etmək üçün Gripen-i alacaq.