330 milyard dollar: ABŞ Prezidentinin tarif qərarı 2025-ci ildə qlobal ticarətin həcmini bu qədər azaldacaq.
Ucnoqta.az xəbər verir ki, bunu iqtisadçı millət vəkili Vüqar Bayramov sosial şəbəkədə yazıb. Deputat bildirir ki, Dünya Ticarət Təşkilatının qiymətləndirmələrinə görə, yeni tariflər qlobal ticarətdə 1 faiz azalmaya səbəb olacaq:
"2024-cü ildə qlobal ticarətin həcminin 33 tirlyon dollar olduğunu nəzərə alsaq dünya iqtisadiyyatına bu qərarın təsirlərini müəyyənləşdirmək çətin olmaz.
Bununla yanaşı, Vaşinqtonun son qərarı yalnız Birləşmiş Ştatlarda deyil, bütövlükdə dünya bazarında qiymətləri yüksəldəcək. Göründüyü kimi, dünya iqtisadiyyatı yeni mərhələyə qədəm qoyur: heç də asan olmayan bir dönəmə".