Amerikalı ovçunun ağacda vurduğu ayı üzərinə düşərək öldürüb.
Ucnoqta.az xəbər verir ki, bu barədə “USA Today” məlumat yayıb.
Hadisə dekabrın 9-da Virciniya ştatının Lunenburq dairəsində baş verib, lakin yerli hakimiyyət bu barədə yalnız çərşənbə axşamı məlumat verib.
Bir qrup ovçu ayını qovub, o, ağaca dırmaşıb.
Ovçulardan biri onu vurub, heyvan ağac gövdəsinin yanında dayanan 58 yaşlı Lester Kleyton Harvinin üzərinə düşüb.
Kişiyə ilkin tibbi yardım göstərilib, bundan sonra xilasedicilər gəlib və onu xəstəxanaya çatdırıblar. Dekabrın 13-də o, aldığı xəsarətlərdən dünyasını dəyişib.