Ryazan "Invitro" şəbəkəsinin direktoru Moskva vilayətinin Kolomna şəhər rayonunda paraşütlə tullanarkən ölüb.
Ucnoqta.az xəbər verir ki, bu barədə Baza Telegram kanalı Sergey Tsıqanovun faciəvi uçuşunun videosunu dərc edərək məlumat yayıb.
Məlumata görə, həvəskar səviyyədə paraşütlə istifadə edən sahibkar enmək istəyərkən yerə çırpılıb.
Hadisənin həftə sonu baş verdiyi bildirilir. Yerə dəyən Sergey Tsıqanov xəstəxanaya yerləşdirilsə də, həkimlər ona kömək edə bilməyiblər. İş adamının özünü təcrübəli paraşütçü kimi təsvir ediblər.