Edinburq hersoginyasının kortejindən polis motosikleti tərəfindən vurularaq xəstəxanaya yerləşdirilən yaşlı qadın aldığı xəsarətlərdən dünyasını dəyişib.
Ucnoqta.az xəbər verir ki, bu barədə NY Post xəbər verir.
Esseksdəki Birçencerdən olan 81 yaşlı Helen Holland mayın 10-da Londonun qərbində West Cromwell Road və Warwick Road kəsişməsində motosiklet onu vurduqdan sonra ağır vəziyyətdə olub. Ötən gün onun ailəsi qadının vəfat etdiyini açıqlayıb.
Qəza zamanı Helen Holland Londonda bacısının yanına gedirmiş. Edinburq hersoginyasının kortejindən qadını motosiklet vurduqdan sonra o, ağır vəziyyətdə xəstəxanaya aparılıb. Helenin oğlunun dediyinə görə, anası çoxlu sümük sınığı və geniş daxili xəsarətlər alıb.
Qəzadan dərhal sonra Bukingem sarayı "Edinburq hersoginyasının düşüncələri və duaları yaralı qadın və ailəsi ilə birlikdədir" bəyanatı verib.