Bakıda bir qrup şəxs gecə saatlarında ictimai asayişi pozub.
Bu barədə BAKU.WS-in "qaynar xətti"nə məlumat daxil olub.
Hadisə Qara Qarayev metro stansiyasının yaxınlığında yerləşən "Sevinc" restoranının qarşısında baş verib.
Onlardan bir neçəsi söyüş söyərək qalmaqal yaradıb. Hətta biri dəyənəklə polis əməkdaşına zərbə endirib.
" Xuliqanlıq hərəkətləri ilə müşahidə olunan halla bağlı Xətai rayon Polis İdarəsində araşdırma aparılır".
Bunu açıqlamasında Daxili İşlər Nazirliyinin (DİN) Mətbuat xidmətinin əməkdaşı Nurlan Əliyev bildirib.
O əlavə edib ki, həmin şəxslər saxlanılıb və araşdırmanın nəticəsindən asılı olaraq qanunamüvafiq tədbirlərin görülməsi təmin olunacaq: "Baş verən hadisə şəxsi münasibətlər zəmnindədir. Əlavə məlumat veriləcək".
Görüntüləri olduğu kimi təqdim edirik: