Bakıda evdən külli miqdarda narkotik aşkarlanıb.
Daxili İşlər Nazirliyindən “Lent.az”a verilən xəbərə görə, Suraxanı rayon Polis İdarəsinin 32-ci Polis Bölməsinin əməkdaşları əldə olunan məlumat əsasında əməliyyat tədbiri keçiriblər.
Nəticədə saxlanılan Əmircan qəsəbə sakini Ş.Mustafayevdən 4 qramdan artıq heroin və metamfetamin aşkar olunub. Davam etdirilən tədbirlərlə onun evinə baxış zamanı oradan əlavə 1 kiloqram 15 qramdan çox heroin və 103 qramdan artıq metamfetamin götürülüb.
Araşdırma aparılır.