Kolumbiyada təyyarə qəzasından sonra 17 günlük axtarışdan sonra cəngəllikdə sığınacaq qurmağı bacaran 4 sağ qalan uşaq tapılıb.
Ucnoqta.az xəbər verir ki, bu barədə Kolumbiyanın “Semana” nəşri məlumat yayıb.
Təyyarə Palma Rosa kəndi yaxınlığındakı Caqueta bölgəsində qəzaya uğrayıb. Uşaqlar 13, 9 və 4 yaşında, ən kiçiyi on bir aylıq olub. Qəza yerində axtarışlar zamanı yarpaqlardan və çubuqlardan hazırlanmış sığınacaqlar aşkar edilib. Kiçik qardaşları ilə özünü cəngəllikdə tapan 13 yaşlı qız yağışdan qorunmaq üçün onları qurub.
Hərbçilər bu yaxınlarda yeyilmiş meyvə qalıqlarını, uşaq qidası üçün qab, qayçı və digər əşyaları tapdıqdan sonra uşaqları sağ tapmaq ümidləri yaramışdı.
Cessna 206-nın göyərtəsində yeddi nəfər olub. Təyyarə Solano bələdiyyəsindən San Xose del Quaviare şəhərinə uçurdu. Mayın 15-də hərbçilər meşənin qalınlığında bir təyyarə və uşaqların anası da daxil olmaqla üç böyük şəxsin cəsədi tapıblar.
Son məlumatda təyyarənin pilotu mühərrikdə nasazlıq olduğunu bildirib.