Sabunçu rayon Polis İdarəsinin 12-ci Polis Şöbəsinə müraciət edən Ramana qəsəbə sakini Ş.Abdullayev iyunun 29-da dövlət qeydiyyat nişanlarını çıxardığı “VAZ-2108” markalı avtomobilinin oğurlandığını bildirib.
Ucnoqta.az Daxili İşlər Nazirliyinə istinadən xəbər verir ki, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini Ağdam rayon sakini A.Məmmədovun oğurladığı müəyyən edilib. O, Bərdə rayonu ərazisində avtomobillə birgə saxlanılıb.
Faktla bağlı araşdırma aparılır.