Qəbələ şəhərində Azərbaycan Antikorrupsiya Akademiyası (AZAKA) ictimai təşəbbüsü və Avropa Hüquq Tələbələri Assosasiyasının (ELSA) Azərbaycan Nümayəndəliyinin birgə təşkilatçılığı və Azərbaycan Respublikasının Prezidenti yanında Qeyri-Hökumət Təşkilatlarına dövlət dəstəyi Şurasının maliyyə dəstəyi ilə Antikorrupsiya Qış Məktəbinin açılışı olub. Fevralın 8-dək davam edəcək Qış Məktəbi zamanı iştirakçılara korrupsiya nədir, onun növləri, səbəbləri, cəmiyyət üçün fəsadları, korrupsiyanın qarşısının alınmasında hüquqi vasitələr, bu sahədə ixtisaslaşmış orqanların fəaliyyəti, preventiv tədbirlər, “Asan-Xidmət” modeli, özəl sektorda korrupsiya və korrupsiyaya qarşı mübarizənin kriminoloji aspektləri barədə məlumat veriləcək, praktiki məşəğələlər həyata keçiriləcək. Tədbirdə iştirak üçün 500-dən artıq şəxs müraciət etmiş 30 nəfər iştirakçı seçilib.
