Müğənni Teylor Sviftin ölkələr və qitələr üzrə altıncı konsert şousu olan Eras Tour dünya turu zamanı 18 rekord qırılıb.
Bir il yarım ərzində pop ulduzu hər biri üç saat yarım davam edən 149 konsert verməyi bacarıb.
Ucnoqta.az xəbər verir ki, bu barədə “Newsweek” jurnalı məlumat yayıb.
Eras Turu dünyanın ən çox gəlir gətirən, 1 milyard dolları keçən, xüsusilə solo və qadın ifaçılar üçün ən gəlirli tur olub.
Əvvəllər Elton Con 328 konsertlə beşillik "Fewell Yellow Brick Road" turu zamanı 939 milyon dollar toplayıb.
Pittsburqdakı Acrisure Stadionu, San Paulodakı Allianz Parque, Liverpuldakı Enfild, Sietldəki Lumen Field və Edinburqdakı Murrayfield Stadionu da daxil olmaqla, dünyanın məşhur məkanlarında tamaşaçı rekordları qırıldı.
Svift möhtəşəm şou zamanı bir neçə məkanda bir neçə konsert verən ilk ifaçı olub.
Belə ki, Mexikodakı Foro Sol arenasında dörd, Sinqapur Milli Stadionunda altı, Londondakı Uembli stadionunda isə rekord səkkiz konsert baş tutub.
Sviftin turu 2023-cü ilin martında Latın Amerikası və ABŞ-da başlayır. 12 Qremmi mükafatının qalibi Avropada - Böyük Britaniya, Almaniya, Fransa və Hollandiyada çıxış edib.
Müğənni "Lover", "Folklor", "Evermore" və "Midnights" adlı son albomlarından 40-dan çox mahnı ifa edib.
Daha əvvəl xəbər verildiyi kimi, amerikalı müğənninin sərvəti The Eras Tour-un uğuru sayəsində 1,1 milyard dolları ötüb.
Bloomberg hesab edir ki, müğənninin 2023-cü ildə ABŞ-da verdiyi 53 konsert ölkənin ÜDM-inə 4,3 milyard dollar əlavə edib.//tass