Dəməşqin qərbindəki Mezze bölgəsində iki güclü partlayış baş verib.
Ucnoqta.az xəbər verir ki, bu barədə Misirin “Əl-Qahirə əl-İxbariya” telekanalı məlumat yayıb. Məlumata görə, İsrail Hərbi Hava Qüvvələri Dəməşq ətrafında iki hərbi hədəfə zərbə endirib.
Telekanalın məlumatına görə, Mezzedə yerləşən hərbi aerodrom atəşə tutulub.
Suriyanın “Al Watan” nəşri daha əvvəl Mezzedə partlayış səslərinin eşidildiyini bildirsə də, baş verənlərin təfərrüatlarını açıqlamayıb.