İki gun öncə Ağdaş rayonununda baş vermiş yol qəzasında xəsarət alan şəxs ölüb.
APA-nin Şirvan bürosu xəbər verir ki, yanvarın 23-də Ağdaş şəhəri ərazisində “VAZ-21011” və “Honda” markalı avtomobillərin toqquşması nəticəsində xəsarət alan rayon sakini Münasib Qasımov bu gün yerləşdirildiyi xəstəxanada dünyasını dəyişib.
Daxili İşlər Nazirliyinin mətbuat xidmətinin Şəki regional qrupundan APA-ya məlumatı təsdiqləyiblər.
Faktla bağlı cinayət işi başlanıb.
Qeyd edək ki, hadisə nəticəsində həmin gün bir nəfər ölmüş, 4 nəfər xəsarət almışdı.