İstehsalı 2014-cü ildə başlanmış Mazda MX-5 ND rodsterinin indiki nəsli uzadılmış həyat dövrü alacaq.
Ucnoqta.az xarici mətbuata istinadən xəbər verir ki, Yaponiya şirkəti avtomobilin bir neçə xüsusi versiyasını buraxacaq.
Biz ND-də hər şeyi etməyi xoşlayırıq, çünki bunun çox potensiala malik olduğunu düşünürük. Biz artıq çox gözəl nəsə etməyi planlaşdırırıq – biz artıq xüsusi buraxılışlar haqqında düşünürük”, – nəşr MX-5 layihəsinin meneceri Şiqeki Saitonun sözlərindən sitat gətirir.
Bildirilir ki, Mazda avtomobil sənayesində elektromobillərə keçid daha da sürətlənən kimi tam elektriklə işləyən MX-5-in yeni nəslini buraxmağı planlaşdırır. Şirkət 1 ton daxilində kütləni təmin etmək üçün dartma batareyaları sahəsində yeni texnologiyaların ortaya çıxmasını gözləyir. Mazda belə akkumulyatorların yaxın beş il ərzində meydana çıxacağını gözləyir.