İranın Azərbaycan Respublikasındakı səfirliyi İran silahlı qüvvələrinin ölkənin şimal-qərb sərhəd bölgələrinə nəqlinə dair məlumatların yalan olduğunu açıqlayıb.
Ucnoqta.az xəbər verir ki, Bakıdakı səfirliyin bəyanatında deyilir:
“Naməlum və qərəzli mənbələr İslam Respublikası Silahlı Qüvvələri hərbçilərinin və hərbi texnikasının ölkənin Ermənistan və Azərbaycan Respublikası ilə həmsərhəd şimal-qərb bölgələrinə yerləşdirilməsi ilə bağlı videolar və saxta xəbərləri yenidən yayımlayıb.
Xatırladaq ki, İran silahlı qüvvələri öz elan və xəbərlərini yalnız rəsmi media və sözçüləri vasitəsilə elan edir, kiberməkandakı yalan və qərəzlə yoğrulmuş məlumatların isə etibarlılığı yoxdur".