"Qarabağ" Azərbaycanın UEFA reytinqindəki xal ehtiyatını artırıb.
Ucnoqta.az xəbər verir ki, Azərbaycan çempionu Avropa Liqasının 3-cü təsnifat mərhələsinin cavab oyununda Finlandiyada HİK-ini 2:1 hesabı ilə məğlub edib. Turnirin pley-offuna adlayan "Qarabağ" Azərbaycana 0,250 xal qazandırıb.
Ölkənin cari mövsümdəki xalları 2,250-dir. Son 5 mövsümdəki ümumi əmsallarının sayı 16,500-ə çatan Azərbaycan 29-cu pillədədir. 28-ci yerdə 16,750 xalla Slovakiyadır.