ABŞ Müdafiə Nazirliyi donanma pilotlarının son illərdəki missiyaları zamanı qeydə aldığı uçan naməlum obyektlərin (UNO) görüntülərini rəsmi olaraq yayımlayıb.
Pentaqon daha əvvəl özəl bir şirkət tərəfindən yayımlanan və UNO olduğu iddia edilən görüntüləri “naməlum hava fenomeni” adı altında rəsmi olaraq yayımlayıb. Görüntülərdə həddən artıq sürətli və cəld uçaraq hərəkət edən naməlum obyektlərə pilotların həyəcanlı reaksiyaları da eşidilir.
Pentaqonun sözçüsü Syu Qofun sözlərinə görə, videolardan biri 2004-cü ildə, digər ikisi isə 2015-ci ilin yanvar ayında çəkilib.
Syu Qof bildirib ki, sözügedən videolar illər əvvəl də internetdə yayımlanıb və görüntülərin rəsmi olaraq yayımlanması onların həqiqi olub- olmadığı və ya daha çox oxşar görüntülərin varlığı barədə suallara aydınlıq gətirmək məqsədi daşıdıyır.///qafqazinfo