Səfir: “20 Yanvar bütün türk dünyasının qürur günüdür”

20 Yanvar tarixi Azərbaycanın müstəqilliyini qazanması yolunda əsaslı bir dönüş oldu.

Bunu jurnalistlərə açıqlamasında Türkiyənin Azərbaycandakı səfiri Erkan Özoral deyib.

Onun sözlərinə görə, bu gün Azərbaycanın tarixində çox önəmli gündür: "Bu gün matəm günüdür. 1990-ci ilin bu günü bir çox qardaşlarımızı şəhid verdik. Dərdimiz böyükdür. Eyni zamanda bu, Azərbaycanın süverenlik tarixində önəmli gündür. Çünki 20 Yanvar tarixi Azərbaycanın müstəqilliyini qazanmasında əsaslı bir dönüş oldu".

Səfir qeyd edib ki, 20 Yanvar Milli qürur günüdür: "Bu qürür yalnız Azərbaycanın deyil, bütün türk dünyasının qürur günüdür. Biz də həmin gün şəhid olanlarımızı ehtiramla anırıq".trend