Kürdəmirdə 5 nəfərin xəsarət alması ilə nəticələnən ağır yol qəzası baş verib.
Hadisə bu gün səhər saat 7 radələrində Bakı-Qazax yolunun 177 km-də, Kürdəmir rayonun Karrar kəndindən keçən hissəsində qeydə alınıb.
Qaradağ rayon sakini, 1983-ci təvəllüdlü Əliyev Faiq Tofiq oğlu idarə etdiyi “Mercedes” markalı minik avtomobili Qazax istiqamətində hərəkət edərkən idarəetmədən çıxıb və yoldan çıxaraq aşıb. Nəticədə avtomobilin sürücüsü F. Əliyev, sərnişinlər – 61 yaşlı Qaradağ rayon sakini Əliyev Tofiq Mənsim oğlu, 65 yaşlı Daşkəsən rayon sakini İbrahimov Raci Vəli oğlu, 59 yaşlı Daşkəsən rayon sakini İbrahimova Sara Gülalı qızı və 57 yaşlı Bakı şəhər sakini Namazov İsrafil Məhəmməd oğlu müxtəlif xəsarətləri alaraq Kürdəmir Mərkəzi Rayon Xəstəxanasının travmatologiya şöbəsinə yerləşdiriliblər.
Faktla bağlı araşdırma aparılır. Apa