1
ABŞ prezidenti Donald Tramp Dövlət departamentinə və Pentaqona Suriyada mülki əhali üçün təhlükəsiz zonaların yaradılmasının planını hazırlamağı tapşırıb. "Report" xəbər verir ki, bu barədə sərəncamın layihəsinə istinadən "Reuters" agentliyi məlumat yayıb. Məlumatda bildirilir ki, yeni plan Suriya və regiondakı digər ölkələrin mülki sakinləri üçün nəzərdə tutulub. Agentliyin məlumatına görə, ABŞ prezidenti planı hazırlamaq üçün dövlət katibinə və müdafiə nazirinə 90 gün möhlət verib.