2
Bu gün Bakı Ağır Cinayətlər Məhkəməsində dələduzluqda təqsirləndirilən İradə Vəliyevanın cinayət işi üzrə məhkəmə prosesi başa çatıb."Report"un xəbərinə görə, hakim Tamella Nəsurullayevanın sədrliyi ilə keçirilən prosesdə hökm oxunub.
Məhkəmə İ.Vəliyevaya 3 il sınaq müddəti olmaqla şərti cəza verilib. O, məhkəmə zalından azadlığa buraxılıb.
Qeyd edək ki, İ.Vəliyeva dələduzluqda təqsirli bilinib. O, ötən il Nərimanov Rayon Polis İdarəsinin 18-ci Polis Bölməsinin əməkdaşlarının keçirdiyi əməliyyat-axtarış tədbirləri nəticəsində tutulub.
İ.Vəliyeva Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham olunub.