Lerikdə yol-nəqliyyat qəzasında biri azyaşlı olmaqla 4 nəfər xəsarət alıb.
Ucnoqta.az APA-ya istinadən xəbər verir ki, hadisə Lənkəran-Lerik magistralında baş verib.
Astara rayon sakini 1989-cu il təvəllüdlü Elnur Ibrahim oğlu Qurbanlı idarə etdiyi "Opel" markalı nəqliyyat vasitəsi ilə hərəkətdə olarkən idarəetməni itirib. Nəqliyyat vasitəsi hündürlükdən dərəyə aşıb. Dərəyə aşan avtomobil ağaca çırpılaraq dayanıb.
Qəza nəticəsində avtomobildə sərnişin qismində olanlar, sürücü və onun həyat yoldaşı 1995-ci il təvəllüdlü Aidə Mərhəmət qızı Qurbanlı, 5 yaşlı övladlar N.Q, eləcə də 1989-cu il təvəllüdlü Rəvanə Baba qızı Əliyeva xəsarət alıblar. Onlar ətrafdakıların köməyi ilə nəqliyyat vasitəsindən çıxarılıblar.
İlkin ehtimala görə qəza səbəb yağışlı hava şəraiti olub.
Faktla bağlı araşdırma aparılır.