Mərkəzi Afrika Respublikasında vəba xəstəliyi yayılıb

Mərkəzi Afrika Respublikasında (MAR) vəba xəstəliyi baş verib və nəticədə 24 nəfər ölüb.

Ucnoqta.az xəbər verir ki, MAR-ın səhiyyə və əhali naziri Pyer Somse bu barədə milli televiziyada açıqlama verib.

Nazir bildirib ki, bu günə qədər 197 vəba xəstəliyi aşkarlanıb.

Epidemiyanın episentri ölkənin cənub-qərbində, Bimbo və Mbaiki rayonlarındadır. İlk yoluxma halı 14 iyunda aşkar edilib.

Ümumdünya Səhiyyə Təşkilatının məlumatına görə, hazırda 14 Afrika ölkəsində vəba xəstəliyi qeydə alınıb.