3
Belarus-Polşa sərhədində beş nəfərə beş nəfərlik məhbus mübadiləsi aparılır.
Ucnoqta.az BelTA-ya istinadən bu barədə məlumat verib.
Agentliyin məlumatına görə, bu, Belarus KQB ilə Polşa Kəşfiyyat Agentliyi arasında Prezident Aleksandr Lukaşenkonun birbaşa əmri ilə həyata keçirilən mürəkkəb və uzun danışıqlar prosesinin kulminasiya nöqtəsidir.
Əməliyyat nəticəsində müxtəlif ölkələrin 10 vətəndaşı azad edilib və ailələri ilə yenidən qovuşa biliblər. Azad edilənlər arasında ölkənin milli təhlükəsizliyinin və müdafiə qabiliyyətinin təmin edilməsi maraqları naminə xüsusilə vacib missiyaları yerinə yetirən Belarus vətəndaşları da var.
Məhbus mübadiləsi dost ölkələrin ayrı-ayrı liderlərinin Lukaşenkoya müraciətlərindən sonra həyata keçirilir.