5
ABŞ administrasiyası müəyyən banklara və Venesuela hökumətinə qarşı birtərəfli sanksiyaları yumşaldıb.
Ucnoqta.az xəbər verir ki, ABŞ Maliyyə Nazirliyinin Xarici Aktivlərə Nəzarət İdarəsi (OFAC) bu məqsədlə iki ümumi lisenziya yayımlayıb.
Sənəddə deyilir ki, Vaşinqton müəyyən xəbərdarlıqlarla Venesuela hökuməti ilə kommersiya müqavilələrinə icazə verib. Bununla belə, Rusiya, İran, Şimali Koreya və Kubada yerləşən şəxslərlə əməliyyatlar qadağandır.
Bundan əlavə, Çində və ya onun yurisdiksiyası altında yerləşən qurumlarla əməliyyatlar qadağandır. ABŞ Maliyyə Nazirliyinin əməliyyatlara icazə verdiyi Venesuela banklarının siyahısına dörd belə qurum daxildir.