Döyüşlər uzanarsa, ABŞ-ın İrana qarşı hazırkı hərbi kampaniyasının dəyəri 1 trilyon dollara çatmaq riski daşıyır.
Ucnoqta.az xəbər verir ki, bu barədə The Intercept ekspert qiymətləndirmələrinə və hərbi xərclər tendensiyaları ilə bağlı məlumatlara istinadən məlumat yayıb.
Nəşrin məlumatına görə, təkcə əməliyyatın ilk iki həftəsində büdcə xərcləri artıq 12 milyard dollara çatıb.
"ABŞ İsraillə birlikdə İrana zərbə endirməyə başladığımızdan bəri təxminən 12 milyard dollar xərcləyib", – Ağ Ev Milli İqtisadi Şurasının rəhbəri Kevin Hasset təsdiqləyib.
Nəşr izah edir ki, trilyon dollarlıq rəqəm əməliyyatın uzun bir mərhələyə qədəm qoyacağı proqnozlarına əsaslanır və bu, təkcə intensiv raket zərbələri deyil, həm də potensial yerüstü müdaxilə və sonradan regionun sabitləşdirilməsini tələb edir.
Analitiklər vurğulayırlar ki, əgər zərbələrin hazırkı intensivliyi davam edərsə və bahalı raket ehtiyatlarının doldurulması lazım gələrsə, son xərc İraq və ya Əfqanıstandakı kampaniyanın çoxillik xərcləri ilə müqayisə edilə bilər.