Bakıda fəaliyyət göstərən özəl estetik klinikalardan birində "əl enerjisi" ilə müalicə apardığı iddia olunan əcnəbi saxlanılıb.
Ucnoqta.az xəbər verir ki, özbək əsilli şəxs insanlara əli ilə bio müalicə vəd edirmiş.
Buna inanan onlarla şəxs onun qəbuluna girmək üçün sıra gözləyiblər.
Sosial şəbəkələrdə yayılan bu görüntülərdəki izdihama səbəb olan özbək əsilli şəxs insanları "Bİ Es" adlı klinikada qəbul etdiyi bildirilir.
Adıçəkilən klinikanın vəkili Əsəd Əhmədli isə bildirib ki, klinikanın həmin şəxslə hər hansı əlaqəsi yoxdur. Həmin şəxslə klinika arasında heç bir müqavilə bağlanılmayıb. Belə ki, klinikanın fəaliyyət göstərdiyi məkanda yanaşı olaraq rəsmi şəkildə icarədə olan digər şəxslər də fəaliyyət göstərirlər. Qəbul da orada həyata keçirilib.
Sözügedən özbək əsilli vətəndaşa otaq icarəyə verən şəxs isə "Xəzər Xəbər"ə danışıb.