Masallıda ov tüfəngi ilə bir nəfəri öldürməkdə, üç nəfərə isə xəsarət yetirməkdə təqsirləndirilən Kamran Zərbəliyevin məhkəməsi keçirilib.
Lənkəran Ağır Cinayətlər Məhkəməsində hakim Neymət Məmmədovun sədrliyi ilə keçirilən prosesdə hökm oxunub.
Hökmə əsasən, təqsirləndirilən şəxs 18 il müddətə azadlıqdan məhrum edilib.
Qeyd edək ki, hadisə bu ilin iyun ayında Masallı rayonunda baş verib.
Təqsirləndirilən şəxs ov tüfəngi ilə atəş açaraq ailə-məişət münaqişəsi zəminində qayınanası Aybəniz Məmmədovaya, həyat yoldaşı Arzu Zərbəliyevaya, baldızı Aysuna və qohumu Fərman Qarayevə ov tüfəngi ilə xəsarət yetirib. Aybəniz Məmmədova hadisə yerində ölüb, digərləri xəsarətlərlə xəstəxanaya yerləşdirilib.
Kamran Zərbəliyevə Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham irəli sürülüb.///apa