ABŞ prezidenti Donald Tramp Venesuela ilə diplomatik razılaşma əldə etmək səylərindən imtina edərək, Nikolas Maduro hökumətinə qarşı mümkün hərbi eskalasiyaya yol açıb.
Ucnoqta.az xəbər verir ki, New York Times mənbələrə istinadən məlumatına görə, Trampın xüsusi nümayəndəsi və Kennedi Mərkəzinin icraçı direktoru Riçard Qrenell Maduro və digər yüksək vəzifəli Venesuela rəsmiləri ilə danışıqlara rəhbərlik edib.
Bununla belə, cümə axşamı yüksək rütbəli hərbi liderlərlə görüş zamanı Tramp Qrenellə zəng edərək ona Maduro ilə danışıqlar da daxil olmaqla, bütün diplomatik əlaqələri kəsməyi tapşırıb.
“Tramp Maduronun ABŞ-nin hakimiyyətdən könüllü olaraq imtina etmə tələblərini yerinə yetirməkdən imtina etməsindən və Venesuela rəsmilərinin onların narkotik alveri ilə məşğul olmadığına dair davamlı israrından məyus olduğunu bildirib.
ABŞ rəsmiləri bildiriblər ki, Tramp administrasiyası münaqişəni gərginləşdirmək üçün bir neçə hərbi plan hazırlayıb. Bu əməliyyatlara Maduronun hakimiyyətdən uzaqlaşdırılmasına yönəlmiş planlar da daxil ola bilər”, – deyə hesabatda bildirilir.