“Qarabağ” 11 ildən sonra yenidən bu komanda ilə qarşılaşacaq

"Qarabağ"ın Avstriya toplanışında yoxlama oyunu keçirəcəyi növbəti rəqib müəyyənləşib.

Ucnoqta.az xəbər verir ki, bu, yerli "Zalsburq"dur.

Bununla bağlı məlumatı Avstriya klubunun rəsmi saytı yayıb. Oyun iyulun 15-də keçiriləcək. 

Xatırladaq ki, "Qarabağ"la "Zalsburq" 2014-cü ildə Çempionlar Liqasının üçüncü təsnifat mərhələsində üz-üzə gəliblər. Bakıdakı matçda Ağdam təmsilçisi qələbə qazansa da (2:1), cavab görüşündə uduzub (0:2). "Zalsburq" üstün tərəf kimi ÇL-də pley-off mərhələsinə adlayıb.

Qeyd edək ki, "Qarabağ" Avstriyada Ukraynanın “Metalist” klubu ilə də qarşılaşacaq. Oyun iyulun 7-də keçiriləcək.///qol.az