Avqustun 25-də Sudanda güclü yağışlar nəticəsində Arbaat bəndinin uçması 20 kəndin dağılmasına və ən azı 30 nəfərin ölümünə səbəb olub.
Ucnoqta.az xəbər verir ki, bu barədə BMT-nin Humanitar Məsələlərin Əlaqələndirilməsi İdarəsi (OCHA) məlumat yayıb.
“Bazar günü Sudanın Qırmızı dəniz əyalətində, Port Sudandan təxminən 38 km şimal-qərbdə yerləşən Arbaat bəndi güclü yağışlar nəticəsində ciddi ziyan görüb və çöküb, əhalinin məskunlaşdığı əraziləri su basmasına gətirib çıxarıb”, – deyə agentlik bildirib.
Bildirilir ki, yerli hakimiyyət orqanları 30 nəfərin öldüyünü təsdiqləyib, lakin biz ölənlərin sayının daha çox ola biləcəyindən qorxuruq.
Bir çox insan itkin düşüb. OCHA-nın məlumatına görə, "bəndin ətrafındakı 70 kənd zərər çəkib, onlardan 20-si dağıdılıb".
Sudan hakimiyyətinin məlumatına görə, bəndin qərbində yaşayan 50 minə yaxın insanın evi dağıdılıb və ya zədələnib, 84 quyu uçub, 10 min təsərrüfat heyvanı tələf olub.