"Söz-söhbətlər gəzirdi ki, guya mənə hansısa deputat ev bağışlayıb".
Ucnoqta.az oxu.az-a istinadən xəbər verir ki, bu sözləri "Pişik" ləqəbi ilə şou-biznesdə məşhurlaşan müğənni Günel Ələkbərova qonaq olduğu MTV-də yayımlanan "Tarixin bir günü" verilişində deyib.
O qeyd edib ki, hazırda yaşadığı evi özü alıb:
"Mən görməmişəm ki, hansısa verilişdə kiməsə nə isə real gətirib bağışlasınlar. Söhbət verilişdə müğənniyə real hədiyyə bağışlamaqdan gedir. Həyatda əlbəttə ki, belə şeylər olur. Bu zamana kimi idarə etdiyim avtomobilləri mənə hədiyyə ediblər. Real həyatda mənə ev də, avtomobil də bağışlayıblar".
Günel ictimai nəqliyyatdan istifadə edib, efirdə isə yalandan bahalı villasının olduğunu söyləyən həmkarlarından da danışıb:
"Misal üçün mən necə yalandan çıxıb deyim ki, 100 minlik avtomobil, 300 minlik ev almışam. Sənin qadın pərəstişkarın olar, hansısa bir ailənin sevimlisi ola bilərsən, kiminsə xoş günündə gəlib iştirak edə bilərsən. Qarşı tərəf jest edə bilər, bu başqa. Bəzən baxıb görürsən ki, avtobusla gedib-gəlir, efirdə yarım milyonluq villasını nümayiş etdirir. Danışanda da deyir ki, "öz əziyyətimlə bunları almışam". Bu, necə olur?".