"İnter Mayami" 2024-cü ilin fevral ayının əvvəlində Səudiyyə Ərəbistanının paytaxtında keçiriləcək Riyad Mövsüm Kuboku yoldaşlıq turnirində iştirak edəcək.
Ucnoqta.az xəbər verir ki, bu barədə “Marca” yazıb.
Turnirdə Səudiyyə Ərəbistanının “Ən-Nasr” və “Əl-Hilal” klubları da çıxış edəcək.
“İnter Mayami”nin lideri argentinalı Lionel Messi, “Əl-Nasr”in lideri isə portuqaliyalı Kriştiano Ronaldodur.
"Bu, futbol dahilərinin son rəqsidir!" – Səudiyyə Ərəbistanının Əyləncə Baş İdarəsinin sədri Turki Əl-Şeyx X (Twitter) sosial şəbəkəsində yazıb.
Görüş Səudiyyə Ərəbistanının paytaxtında "Əl-Hilal"ın da çıxış edəcəyi turnirdə baş tutacaq.
Messi və Ronaldo sonuncu dəfə 2023-cü ilin yanvarında bir-birinə qarşı oynayıb. Daha sonra Messinin forma geyindiyi Paris Saint-Germain Ronaldonun olduğu Ər-Riyad komandası ilə yoldaşlıq oyunu keçirib. PSJ 5:4 hesabı ilə qalib gəlib. Messi bir, Ronaldo iki qolu vurub.