Qazaxıstan prezidenti Kasım-Jomart Tokayev uşaqlara Milli Fonddan ödənişləri nəzərdə tutan qanunu imzalayıb.
Ucnoqta.az xəbər verir ki, bu barədə Qazaxıstan liderinin mətbuat xidməti məlumat yayıb.
“Dövlət başçısı “Qazaxıstan Respublikasının bəzi qanunvericilik aktlarına Qazaxıstan Respublikasının Milli Fondundan uşaqlara vəsaitin hesablanması, onların ödənilməsi və istifadəsi məsələləri ilə bağlı dəyişikliklər və əlavələr edilməsi haqqında” Azərbaycan Respublikasının Qanununu imzalayıb”, – məlumatda deyilir.
Qanunda uşaqlar 18 yaşına çatanadək Milli Fondun illik investisiya gəlirinin 50%-nin xüsusi əmanət hesablarına tutulması nəzərdə tutulur. Bu qənaətlə uşaqlar yetkinlik yaşına çatdıqda həyat şəraitlərini yaxşılaşdıra və ya təhsil ala biləcəklər.
Uşağın 18 yaşı tamam olana qədər, yığılan vəsait Milli Fondda olacaq və Milli Bank tərəfindən maliyyə alətlərinə yatırılmağa davam edəcək. Hər bir uşağın hesabına onun proqramda iştirak etdiyi müvafiq il üçün, uşağın doğulduğu gündən və ya uşağın Qazaxıstan vətəndaşlığını qəbul etdiyi gündən 18 yaşına çatana qədər eyni məbləğdə vəsait köçürüləcək. Milli Fonddan vəsaitlərin çıxarılması uşaq yetkinlik yaşına çatdıqda həyata keçiriləcək. Ödənilmiş vəsait vergidən azad ediləcək.///tass