Lənkəranda yük və minik avtomobilləri toqquşub.
Ucnoqta.az xəbər verir ki, hadisə Lənkəran-Boradigah-Masallı yolunun Girdəni kəndi ərazisində baş verib.
Belə ki, "QAZel" markalı yük avtomobili "VAZ-21011" markalı minik avtomobili ilə toqquşub.
Toqquşma nəticəsində 5-i Bərdə rayon sakinləri olmaqla 7 nəfər müxtəlif dərəcəli bədən xəsarətləri alıb. Yaralılar Bərdə rayon sakinləri – 1984-cü il təvəllüdlü Ramin İsax oğlu Hüseynov, 1957-ci il təvəllüdlü Roza İsacan qızı Hümmətova, 2009-cu il təvəllüdlü Yasəmən Yasin qızı Şirinzadə, 1981-ci il təvəllüdlü Sevil Sabir qızı Hüseynova, 1980-cı il təvəllüdlü Sevinc Sabir qızı Hüseynova və iki nəfər Lənkəran rayon sakinləri 1988-ci il təvəllüdlü Elmin Əli oğlu Rzayev, 1984 – cü il təvəllüdlü Mirmayis Mətləb oğlu İbrahimov müxtəlif dərəcəli bədən xəsarətləri alaraq Lənkəran Rayon Mərkəzi Xəstəxanasının Acil şöbəsinə yerləşdiriliblər.
Yaralılardan Roza Hümmətovanın vəziyyəti ağır qiymətləndirilir.
Faktla bağlı araşdırma aparılır.