"Tanıyanlar bilir ki, həyatımın 26 ili TV-yə bağlıdır… Və bu illər ərzində çox az müddət işsiz qaldığım vaxtlar olub… Uzağı bir ya, iki ay… Müxtəlif rəhbərlərlə çalışmışam TV fəaliyyətim dönəmində… Nizami Xudiyev, Etibar Babayev ,Vahid Mustafayev, Vaqif Mustafayev, Mirşahin Agayev, İsmət Səttarov, Rəşad Məmmədov, Müşfiq Hətəmov… Heç biri ilə hansısa bir problem, qalmaqal, xoşagəlməz nəsə yaşanmayıb… Hər biri ilə olduqca xoş münasibət, hətta bəziləri ilə dost münasibətimiz olub və bu gün də var… Hər birinə sayqılar".
Ucnoqta.az xəbər verir ki, bunu Space TV-dən işdən çıxarılan teleaparıcı Rövşanə Ağasəfqızı sosial şəbəkə hesabında yazıb.
"Zatən işlədiyim mühitdə qalmaqaldan, söz-söhbətdən uzaq gəzən insanam… boğazımızdakı reytinq kəndiri ucbatından bəzi qalmaqallı verilişlərə müəlliflik etmək zorunda qalmağıma baxmayın… tələb belədir…
Televiziyalardakı transfer məsələsinə gəlincə bu həmişə olub və çox normaldır… səhər tamaşacıya bir kanaldan günaydın deyən, sabah ayrısından gecəniz xeyir söyləyə bilər… hamı ölənə kimi bir yerdə qalmir ki… TV rəhbərləri də eləcə… kreslo ömürlük miras deyil təbii… kreslonu nə evindən kimsə gətirib, nə də gedəndə kimsə dalına şəlləyib aparıb… şəlləyib aparacağı ya sevgi olacaq, ya nifrət… andıra qalmış kresloda fırlanan adam da elə gicəllənir ki, hardan gəldiyi, necə gəldiyi tamam silinir beynindən… Peşəkarlara bu arada təzim… təsadüfilərə sözüm yox…
Xülasə… peşəkar dostlarıma son günlər göstərdikləri həmrəyliyə və dəstəyə görə dərin təşəkkürümü bildirirəm… gün ərzində saysız gələn zənglər, dəstək SMS-ləri… xəbərim hətta olmadan saytlarda verilən yazılara görə ayrı-ayrılıqda hər bir jurnalist həmkarımın əlini sıxıram… Məhz peşəkar əhli-qələmə cani-könüldən minnətdaram…
…belə birlik göstərsək kimsə "kefim belə istəyir"in qurbanı olmaz əmin olun…”.