Astarada ağır yol qəzası:

Astara rayonunda yol qəzası olub.

"Report"un məlumatına görə qəza axşam saatlarında rayonun Deqədi kəndi ərazisində baş verib. Belə ki, Sərxan Məlikovun idarə etdiyi "Ford Transit" markalı avtomobil Seləkəran kənd sakini Ruslan Əliyevin idarə etdiyi mopedlə toqquşub. Toqquşma nəticəsində mopedin sürücüsü R.Əliyev ölüb.

Meyit daxili və xarici müayinə olunması üçün Məhkəmə Tibbi Ekspertiza və Potoloji Anatomiya Birliyinin Lənkəran rayon şöbəsinə təhvil verilib.

Faktla bağlı Astara rayon polis şöbəsində araşdırma aparılır.