Alimlər Yer səthinin altında qədim okeanın izlərini aşkar ediblər
Ucnoqta.az xəbər verir ki, bu barədə “Science Alert” məlumat yayıb. Demək olar ki, 3000 kilometr dərinlikdə yeni sıx təbəqə aşkar edilib.
Bu nazik, lakin sıx təbəqə səthdən təxminən 2900 kilometr aşağıda, nüvə ilə mantiya arasındakı sərhəddə yerləşir.
Geoloqlar üç il ərzində zəlzələlərdən yaranan seysmik dalğaların xəritəsini çəkmək üçün Antarktidanın buzlarına basdırılmış 15 monitorinq stansiyasından istifadə ediblər. Bu dalğaların hərəkət və sıçrayış tərzi Yerin içindəki materialın tərkibini ortaya qoyur.
Alimlərin fikrincə, bu təbəqələr çox güman ki, milyonlarla il əvvəl basdırılmış okean qabığını təmsil edir.
Bu qədim okean qabığının bütün nüvənin ətrafına "bükülmüş" ola biləcəyinə dair fərziyyələr də var. Bildirilir ki, hazırda dəqiq bir söz demək mümkün deyil. Gələcək seysmik tədqiqatlar ümumi mənzərəni tamamlamalıdır.