Gəncədə yol qəzasında 2 nəfər xəsarət alıb

Gəncədə yol-nəqliyyat hadisəsi baş verib.

APA-nın məlumatına görə, hadisə şəhərin Azərbaycan Bayrağı küçəsində qeydə alınıb.

Hərəkətdə olan iki avtomobilin toqquşması nəticəsində 1993-cü il təvəllüdlü Röyal Əliyev və 1993-cü il təvəllüdlü Elnarə Quliyeva xəsarət alıb. Onlar xəstəxanaya yerləşdiriliblər.

Faktla bağlı araşdırma aparılır.