Ermənistanın baş prokuroru Artur Davtyan dövlət xəyanətinə görə edam hökmünün tətbiqi ilə bağlı konstitusiya hüququnun əsasının yaradılmasını təklif edib.
Ucnoqta.az xəbər verir ki, bu barədə “News.am” bildirib.
“44 günlük müharibə zamanı və ondan sonra qeydə alınmış açıq-aşkar dövlətə xəyanət halları üzrə başlanmış cinayət işlərinin materiallarının tədqiqi göstərir ki, düşmən dövlətin xidmətləri tərəfindən təhlükəsizliyə qarşı ən ağır cinayət vətənə xəyanətdir. Ermənistan Respublikası vətəndaşlarını casusluğa və kəşfiyyat şəbəkələrinə cəlb etmək, müasir texnologiyalardan istifadə, xüsusilə də regionda mövcud təhlükəsizlik çağırışları fonunda bu növə qarşı cinayət-hüquqi mübarizənin gücləndirilməsi məsələsini ortaya qoyur. Cinayətkarlıq və cəza siyasətinin sərtləşdirilməsi prioritet məsələdir. Vətənə xəyanətin belə ifrat təzahürləri qeydə alınır. Prokurorluq problemin vacibliyini nəzərə alaraq, Ermənistanın bu sahədə beynəlxalq öhdəliklərinin əhatə dairəsini öyrənib və müəyyən edib ki, ölkəmizin ölüm cəzasına mütləq qadağa qoyulması ilə bağlı birbaşa beynəlxalq hüquqi öhdəliyi yoxdur”, – baş prokuror qeyd edib.///report