0
"Qalatasaray" misirli hücumçusu Mustafa Məhəmmədi Fransanın "Nant" klubuna icarəyə verib.
Ucnoqta.az klubun rəsmi saytına istinadən xəbər verir ki, forvard satın alınma şərti ilə növbəti mövsümün sonuna kimi Liqa 1 təmsilçisində çıxış edəcək. Qarşı tərəf oyunçunu birdəfəlik transfer etmək istəsə, onda "cim-bom"a 5.75 milyon avro ödəməli olacaq.
Qeyd edək ki, 24 yaşlı futbolçu 2020/21 mövsümünün ikinci yarısından oynadığı İstanbul təmsilçisində bütövlükdə bütün turnirlər nəzərə alınmaqla 58 matçda 17 qol vurub və 5 qol ötürməsi verib.