1
Bakıda qaldırıcı kran avtomobilin üzərinə aşıb.
Hadisə paytaxtın Cavadxan küçəsində qeydə alınıb. Füzuli rayon sakini Gündüz Məmmədovun idarə etdiyi qaldırıcı kran qonşuluqda yaşayan, 39 yaşlı Vüqar Mahmudovun həyətdə saxladığı “JEEP” markalı avtomobilinin üzərinə aşıb.
Nəticədə avtomobilə 20 min manat ziyan dəyib.
Zərərçəkən faktla bağlı Binəqədi rayon Polis İdarəsinə müraciət edib, araşdırma aparılır.