Moskva vilayətinin Krasnoqorsk Şəhər Məhkəməsi istefada olan polkovnik Mixail Şendakovu Rusiya CM-nin 282-ci maddəsinin 2-ci hissəsinin “a” bəndini rəhbər tutaraq 3 il şərti cəzaya məhkum edib.
Lent.az Rusiya KİV-ə istinadən xəbər verir ki, məhkəmənin belə bir qərar verməsinə polkovnikin Federal Təhlükəsizlik Bürosunun hərbçiləri ilə bağlı danışdığı arzuolunmaz lətifə olub. Lətifədə təhlükəsizlik əməkdaşları məzxərəyə qoyulur və onlara qarşı nifrət aşılanır.
“YouTube” kanalında fəallığı ilə seçilən Mixail məhkəmədən sonra izləyiciləri qarşısına çıxaraq “mübarizəmi davam etdirəcəyəm”, deyərək şərəfinə and içib.
Qeyd edək ki, bu ilin fevralında M.Şendakov “Surkov Donbasa müharibə vəd etdi!” adlı videoya görə nifrət və ekstremizmə çağırış ittihamı ilə 2,5 il şərti azadlıqdan məhrum edilib.