Rusiyanın daha bir şəhərindən Azərbaycana uçuşlar başlayır

Rusiyanın "Uralskie avialinii" şirkəti Perm şəhərindən Bakıya yeni reyslər işə salır.

Bu barədə Heydər Əliyev Beynəlxalq Hava limanından bildiriblər.
Qeyd olunur ki, uçuşlar avqustun 19-dan başlayaraq həftədə bir dəfə baş tutacaq.

Təyyarə Permdən yerli vaxtla saat 07:30-da qalxacaq, 10:35-də Bakıda eniş edəcək. Əks istiqamətdə 11:35-də Bakıdan qalxan təyyarə 14:40-da Permə çatacaq.