Azərbaycanda indiyə qədər 5000-dən artıq məhkuma elektron qaydada nəzarət tətbiq edilib.
Bu barədə Ədliyyə Nazirliyinin Probasiya Xidmətinin Elektron Monitorinq İdarəsinin baş məsləhətçisi Nəvai Əlizadə deyib.
Onun sözlərinə görə, azadlığın məhdudlaşdırılması cəzası və məhkumların elektron nəzarət vasitələri ilə izlənilərək daim nəzarətdə saxlanılmaları onların islah olunmasında və təkrar cinayət törətməkdən çəkinməsi üçün çox effektiv bir vasitədir: "Elektron nəzarət vasitələri tətbiq edilmiş məhkumlar tərəfindən təkrar cinayətlərin törədilmə hallarının azalma dinamikası müşahidə edilir. Ötən dövr ərzində ümumilikdə 5000 nəfərdən artıq məhkuma elektron nəzarət vasitələri tətbiq edilib. Hazırda Monitorinq Mərkəzində elektron nəzarət vasitələri tətbiq edilmiş 3000-dən artıq şəxs izlənilməkdədir”.