Şəkidə 10 nəfərin xəsarət almasına səbəb olan sürücünün məhkəməsi başlayır

Şəki rayonunda 10 nəfərin xəsarət alması ilə nəticələnən yol-nəqliyyat hadisəsi törətməkdə təqsirləndirilən Fərid Səmədovun məhkəməsi başlayır.

 Şəki Rayon Məhkəməsinin hakimi Pərviz Hacıyevin icraatında olan iş üzrə hazırlıq iclası iyulun 27-ə təyin edilib.

Qeyd edək ki, hadisə bu il martın 10-da səhər saatlarında İsmayıllı-Qaraməryəm-Şəki magistralının yolun Şəki rayonu Köbər Zəyzid kəndi ərazisindən keçən hissəsində qeydə alınıb.

26 yaşlı Fərid Səmədovun idarə etdiyi "99-HD-777" dövlət qeydiyyat nişanlı "Toyota Prado" markalı avtomobillə Qax rayonundan olan 1987-ci il təvəllüdlü Əliyev Akşin Adil oğlunun idarə etdiyi "Mercedes Vito" markalı mikroavtobus toqquşub. Nəticədə sürücülər də daxil olmaqla xəsarət alan 10 nəfər xəstəxanaya yerləşdirilıb.

Qəzanın baş verməsində günahkar hesab edilən F.Səmədova Cinayət Məcəlləsinin 263.1-1 (yol hərəkəti və nəqliyyat vasitələrinin istismarı qaydalarını pozma zərərçəkmiş şəxsin sağlamlığına ağır zərər vurulmasına səbəb olduqda) maddəsi ilə ittiham verilib./report

 

Tarix
16 İyul 2019 [11:16]
Müəllif
Üç nöqtə
Digər xəbərlər
2019-07-16 11:16:17
Xəbər xətti
Foto
Video
Çox oxunanlar
Sorğu
Yayda istirahətə harada üstünlük verirsiz?
 Azərbaycanda
 Xarici ölkədə
 İstirahət etmirəm
KİV
Virtual Qarabağ

Ən son xəbərləri səhifəmizdən də izləyin