Elman Rüstəmov: "İnflyasiya azalıb"

Azərbaycanda inflyasiya 2,6 faiz səviyyəsində formalaşıb.

Ucnoqta.az Trend-ə istinadən xəbər verir ki, bunu Mərkəzi Bankın sədri Elman Rüstəmov deyib. E.Rüstəmov qeyd edib ki, son 3 ayda orta illik inflyasiyada azalma meyli davam edib: "2018-ci ilin 9 ayında orta illik inflyasiya 2,6 faiz təşkil edib, bu ilin 3-cü rübü ərzində ritmik templə azalıb".
Onun sözlərinə görə, inflyasiyanın həm xarici, həm də daxili risk amillərinin yumşalması fonunda Mərkəzi Bank cari ilə inflyasiyanın 3-4 faiz ətrafında olacağını proqnozlaşdırır:

"İnflyasiyanın daxili və xarici amillərində əhəmiyyətli dəyişiklik baş verməyib. Nəqliyyat tariflərinin yüksəlməsi hesabına xidmətlərin bahalaşmasının bir sıra ərzaq və qeyri-ərzaq məhsullarının qiymətlərinin aşağı düşməsi və bütövlükdə monetar amillərin təsiri ilə neytrallaşdırılması inflyasiyanın azalma meylini müəyyən edib".

İnflyasiya üzrə gözləntilərə və proqnozlara gəlincə, E.Rüstəmov bildirib ki, biznes sektorunun inflyasiya gözləntiləri ticarət və xidmət sektorunda qiymət artımı gözləntilərinin azalması hesabına aşağı düşür: "İstehlak qiymətlərinin cari dinamikası ev təsərrüfatlarının da inflyasiya gözləntilərinin stabilləşməsini şərtləndirir".

Tarix
30 Oktyabr 2018 [11:35]
Müəllif
Üç nöqtə
Digər xəbərlər
2018-10-30 11:35:23
Xəbər xətti
Foto
Video
Çox oxunanlar
Sorğu
Tibbi maskalardan istifadə edirsiniz?
KİV
Virtual Qarabağ

Ən son xəbərləri səhifəmizdən də izləyin